...旭日初昇之時﹐正正係小弟起牀之時﹗

咁早起牀就係為咗送架車入廠驗一驗﹐

頻頻撲撲咗一朝後﹐又要趕住番工....

今日終於俾我見識到嘜嘢叫做"朋友"﹗

"人哋有難時﹐我就永冇托手﹐幫人幫到夠﹔

我有難時﹐個個就走格唔抖﹐望都唔望番轉頭﹗"

想揾人替我番今晚啫﹖﹗唔駛作埋D騎呢古怪嘅理由呀﹗

好采大佬Kan放我早走又唔駛我今晚番工....

其實我都覺有D慚愧嘅﹐唔番工就係因為趕住見Kitchen hand份工~﹗

呢個時候﹐又俾我見識到另一樣嘢﹐

就係原來係澳洲想揾架的士係咁難架﹗足足半個鐘﹐包埋call台叫taxis。

徙咗我$35﹐今鋪真係蝕呀﹗足之嚟到Hunters Hill間老人院...

雖然我已經遲到咗45分鐘﹐但係個Supervisor竟然冇埋怨我喎﹗

即時帶我去打手指模﹐攞員工證﹐跟住正式今日嘅Training...

雖然只係短短嘅4小時﹐但係要做嘅準備功夫就非常多。

話咁快就7pm﹐放工走人......